«Շիրակ» օդանավակայանից ահազանգը ստացել ենք, փրկարարներն աշխատում են. ՆԳՆ

Այսօր ժամը 08:50-ին Ոստիկանությունը Գյումրիի «Շիրակ» օդանավակայանում ռումբի մասին ահազանգ է ստացել:

Tert.am-ի հետ զրույցում ավելի վաղ տարածված տեղեկությունը հաստատեց Ներքին գործերի նախարարի մամուլի խոսնակ Նարեկ Սարգսյանը։

«Նման ահազանգ ունենք, դեպքի վայրում են ոստիկանները, զուգահեռ ճշտվում է նաև ահազանգի իսկությունը:

Տեղում ոստիկանական և փրկարարական խմբեր են աշխատում.»,-ասաց նա։

Ավելի վաղ հայտնել էինք, որ աշխատակիցները տարհանվել են, դեպքի վայրում են ոստիկանները։