Դավ Քեմերոնը բացահայտ պատմել է՝ ինչպես են զարգանում իր հարաբերությունները Դամիանո Դավիդի հետ
![](/timthumb.php?src=disc/01-07-24/7cf2b1bfc9d44447305c39a95a4da6de.jpg&w=450)
Փետրվարին Maneskin-ի մենակատար Դամիանո Դավիդը հաստատել է իր սիրավեպը երգչուհի Դավ Քեմերոնի հետ: Այնուհետ սիրահարները ներկա են եղել MusiCares գալա համերգին, որտեղ չեն թաքցրել իրենց փոխադարձ զգացմունքները։
Քեմերոնը բացահայտել է արտիստի հետ իր հարաբերությունների անկեղծ մանրամասները: Նա պատմել է, որ Դավիդի հետ առաջին անգամ հանդիպել է 2022 թվականին։ Հետո երկար բանակցություններ եղան համագործակցության շուրջ, բայց ոչինչ չստացվեց։ Նրանց գրաֆիկները չէին համընկնում: Ապագա սիրահարների հաջորդ հանդիպումը կայացել է 2023թ.-ին:
«Եվ երբ նա մոտեցավ ինձ, կար այս զգացումը: Չգիտեմ, մեկ տարին շատ բան կարող է անել։ Զգում ես, որ անցել է մոտ 10 տարի: Հետո նա ինձ հրավիրեց խնջույքի: Եվ հետո ամեն բան շատ արագ ստացվեց. «Արի ընթրենք ժամը 20.00-ին», – կիսվել է Դավը:
Արտիստի խոսքով՝ դրսից թվում է, թե իրենց հարաբերությունները արագ են զարգացել, բայց իրականում ամեն ինչ այդպես չէ. ինչպես խոստովանել է Քեմերոնը, նրանց երկուսին էլ նախկինում նեղացրել են: «Մենք շատ զգայուն մարդիկ ենք։ Եվ ես կարծում եմ, որ երբ մենք հանդիպեցինք, սկսեցինք ուսումնասիրել միմյանց… Դա շատ, շատ դանդաղ էր, զգույշ, զգայական»,- ամփոփել է երգչուհին Cosmopolitan-ին տված հարցազրույցում։