Բելառուսը սպառնացել է միջուկային զենքի կիրառմամբ
![](/timthumb.php?src=disc/01-07-24/ba13124f6ce10315dccc0e4ce6f46406.jpg&w=450)
Բելառուսի գլխավոր շտաբի պետ Պավել Մուրավեյկոն հայտարարել է, որ հանրապետության «ինքնիշխանության» և «անկախության» սպառնալիքի դեպքում մարտավարական միջուկային զենք կկիրառվի։ Այդ մասին հայտնում է բելառուսական ԲԵԼՏԱ պետական գործակալությունը։
«Վերջին փաստարկներից ու թեզերից մեկը, որը հանդես է գալիս որպես զսպող գործոն, մեր երկրի տարածք ոչ ռազմավարական միջուկային զենքի վերադարձն է։ Մենք սովորել ենք ինչպես վարվել այդ զենքի հետ, կարող ենք վստահորեն այն կիրառել: Եվ չկասկածեք, որ դա կանենք, եթե վտանգվի մեր երկրի ինքնիշխանությունն ու անկախությունը»,- հայտարարել է բարձրաստիճան զինվորականը: