Նշիկների հեռացումից հետո կարո՞ղ է արդյոք խրոնիկ ֆարինգիտ առաջանալ. պատասխանում է ԼՕՌ բժիշկը

Քիթ-կոկորդ-ականջաբան, ԼՕՌ-վիրաբույժ Լևոն Թորոսյանը անդրադարձել է բժշկության մեջ շրջանառվող մի միֆի, ըստ որի՝ նշիկների հեռացումից հետո կարող է առաջանալ խրոնիկ ֆարինգիտ։

Բժշկի խոսքով, դա ոչ այդքան ճիշտ ձևակերպում է և ունի ճշմարտության միայն որոշակի տոկոս, քանի որ այդ հիվանդների մոտ, մինչև նշիկների հեռացումը, արդեն իսկ եղել է խրոնիկ ֆարինգիտ։

«Նշիկը հեռացնելուց հետո հետին պատի նշիկները վերցնում են իրենց վրա հեռացված նշիկի ֆունկցիան և կարող են կարմրել, բորբոքվել։ Բայց դա չի նշանակում, որ ֆարինգիտը սկսվել է հեռացումից հետո»,-բացատրում է Թորոսյանը։

Անդրադառնալով խնդրի բուժմանը, բժիշկը հավելում է, որ վերացնելով ֆարինգիտի պատճառները, ֆարինգիալ պատը հանգստանում է, բորբոքումը` անցնում, և հիվանդին այլևս չեն անհանգստացնում նախկին գանգատները. Հիվանդը գնում է լավացման, հայտնում է Aysor.am-ը։