Թուրքիայում անտառային հրդեհի հետևանքով առնվազն 5 մարդ է զոհվել, 44-ը՝ տուժել
![](/timthumb.php?src=disc/22-06-24/3e26d6720c6307e51e1582444ba9804e.jpg&w=450)
Թուրքիայի հարավ-արևելքում անտառային հրդեհի հետևանքով առնվազն 5 մարդ է զոհվել, ևս 44-ը՝ տուժել: Այդ մասին հայտնել է Թուրքիայի ներքին գործերի նախարար Ալի Երլիքայան։
Երեկ երեկոյան հրդեհ է բռնկվել Դիարբեքիր նահանգի Չինար շրջանի և Մարդին նահանգի Մազըդաղի շրջանի միջև գտնվող գյուղատնտեսական դաշտերում։ Պաշտոնյայի խոսքով՝ հրդեհն ուժեղացել է քամու պատճառով և արագ տարածվել ընդարձակ տարածքով, սակայն այն հաջողվել է վերահսկողության տակ վերցնել:
Տեղական իշխանությունները նախազգուշացումներ են տարածել անտառային հրդեհների բարձր ռիսկի մասին՝ կանխատեսվող բարձր ջերմաստիճանի և չոր եղանակի պատճառով։