Էդին Թերզիչը հեռացավ «Բորուսիա»-ից. պաշտոնական

Դորտմունդի «Բորուսիան» հայտարարել է գլխավոր մարզիչ Էրին Թերզիչի հեռանալու մասին։

Նախկինում հաղորդվում էր, որ մասնագետը հրաժարական է տվել։

Ակումբի մամուլի ծառայությունը նշում է, որ Թերզիչը խնդրել է խզել պայմանագիրը։

Թերզիչի պայմանագիրը «Բորուսիայի» հետ նախատեսված էր մինչև 2025 թվականի հունիսը։ 41-ամյա գերմանացին ակումբը գլխավորել է 2022 թվականի ամռանը։

Դորտմունդցիները Թերզիչի հետ 2023/24 մրցաշրջանում հասան Չեմպիոնների լիգայի եզրափակիչ, որտեղ պարտվեցին Մադրիդի «Ռեալին» (0:2):

«Բորուսիան» Բունդեսլիգայի մրցաշրջանն ավարտել է հինգերորդ տեղում, փոխանցում է ArmSport-ը։