Իրանի նախկին նախագահ Մահմուդ Ահմադինեժադին կարող են թույլ չտալ մասնակցել նոր ընտրություններին

Իրանի Սահմանադրության պահապան խորհուրդը կարող է թույլ չտալ երկրի նախկին նախագահ Մահմուդ Ահմադինեժադին մասնակցել Իսլամական Հանրապետության գործադիր իշխանության ղեկավարի առաջիկա արտահերթ ընտրություններին։ Այս կարծիքն է արտահայտված իրանական Tehran Times թերթի հոդվածում, որն անդրադարձել է ՏԱՍՍ-ը։

Ահմադինեժադը Իրանի նախագահն է եղել 2005-2013 թվականներին։ Նրա նախագահության ժամանակ էր, որ Թեհրանի դեմ կոշտ միջազգային պատժամիջոցներ մտցվեցին՝ հանրապետության միջուկային ծրագրի զարգացման աճող տեմպերի պատճառով: 2018 թվականին ոստիկանությունը ձերբակալել է քաղաքական գործչի՝ հակակառավարական ցույցերին աջակցելու համար։ Ըստ Tehran Times-ի՝ Ահմադինեժադի թեկնածությունը չի հաստատվի, քանի որ նրան թույլ չեն տվել մասնակցել նաև արդեն երկու անգամ՝ 2017 և 2021 թվականներին անցկացված նախագահական ընտրություններին։

պարբերականը հրապարակել է 15 խոստումնալից իրանցի քաղաքական գործիչների ցուցակը, որոնք կարող են դառնալ նախագահական մրցավազքի հիմնական թեկնածուները։ Ֆավորիտների եռյակում են խորհրդարանի նախագահ Մոհամմադ Բաղեր Ղալիբաֆը և Իրանի Անվտանգության խորհրդում հոգևոր առաջնորդ Սաիդ Ջալիլին (երկուսն էլ պահպանողական), ինչպես նաև խորհրդարանի նախկին նախագահ Ալի Լարիջանին, որը պատկանում է չափավոր թևին: