ԱՄՆ-ը Ռուսաստանի համար այժմ թշնամական երկիր է, ինչպես Ռուսաստանը՝ ԱՄՆ-ի համար․ Պեսկով
![](/timthumb.php?src=disc/04-06-24/6619f0ab89ec8f8d8a3fc3220a1d6ab7.jpg&w=450)
ԱՄՆ-ը Ռուսաստանի համար այժմ թշնամական երկիր է, ինչպես Ռուսաստանը՝ ԱՄՆ-ի համար։ Այդ մասին ճեպազրույցի ժամանակ հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Պետերբուրգի միջազգային տնտեսական համաժողովին մասնակցելու համար ամերիկացի նախկին հետախույզ Սքոթ Ռիտերին ԱՄՆ-ից դուրս գալու արգելքը։
Պեսկովը նշել է, որ հատուկ ծառայությունների նախկին աշխատակիցների նկատմամբ կարող են ելքի սահմանափակումներ կիրառվել, առավել ևս՝ «թշնամական երկիր» այցելելու համար: «Մենք հիմա նրանց համար թշնամական երկիր ենք, ինչպես և նրանք մեզ համար»,- նշել է Կրեմլի խոսնակը: