на Русском
Կառավարությունը 1 մլրդ դրամ է տրամադրել մշակո... 
Հենրիխ Մխիթարյանը սկսել է ինքնակենսագրական գր... 
Էրդողանը Նեթանյահուին արնախում և հոգեկան անհավասարակշիռ է անվանել
Թուրքիայի նախագահ Ռեջեփ Թայիփ Էրդողանը շատ կոշտ է արձագանքել Իսրայելի վերջին գործողություններին։ «Աշխարհը դիտում է հոգեբուժական խնդիրներ ունեցող, Նեթանյահու կոչվող արնախումի բարբարոսությունը»,- հայտարարել է նա՝ Անկարայում իր կուսակցության խորհրդարանական խմբի հանդիպման ժամանակ ունեցած ելույթում: Էրդողանն ընդգծել է, որ ԱՄՆ-ը և եվրոպական երկրները նույնպես պատասխանատու են Գազայի «ցեղասպանության» համար, քանի որ «լուռ են, երբ Իսրայելը սպանում է Գազայում, սպանել է արժեքները Եվրոպայում»։
Էրդողանը քննադատել է նաև Միավորված ազգերի կազմակերպությանը, հայտարարելով, որ «ՄԱԿ-ը չի կարողանում պաշտպանել նույնիսկ սեփական անձնակազմին, առավել ևս՝ դադարեցնել ցեղասպանությունը»:
Չնայած Ռաֆահում գործողությունները դադարեցնելու վերաբերյալ միջազգային հանրության կոչերին և Թուրքիայի նախագահի կոշտ հայտարարություններին, Իսրայելի ազգային անվտանգության խորհրդի ղեկավարը հայտարարել է, որ ռազմական գործողությունները Գազայի հատվածում կշարունակվեն, կտևեն առնվազն 7 ամիս և կավարտվեն Իսրայելի հաղթանակով: Ցախի Հանեգբին նշել է, որ գլխավոր նպատակը ՀԱՄԱՍ-ի ռազմական ենթակառուցվածքների ամբողջական ոչնչացումն է։
«Մենք պետք է ապահովենք, որ ՀԱՄԱՍ-ն այլևս չսպառնա մեր երկրին ու տարածաշրջանին»,- ասել է անվտանգության խորհրդի ղեկավարը:
