Օձունի հանգույցից բեռնատարներով խոշոր քարեր են տեղափոխվում Ալավերդու Թումանյան փողոց և լցվում Դեբեդը
![](/timthumb.php?src=disc/27-05-24/5c0e5f8c1ec6a71ac0339e177cccaa6f.jpg&w=450)
Օձունի հանգույցից բեռնատարներով խոշոր քարեր են տեղափոխվում Ալավերդու Թումանյան փողոց, որոնք լցվում են Դեբեդ՝ ջրի՝ ճանապարհի հիմքին հարվածի ուժը մեղմելու նպատակով։ Այդ մասին հայտնում է ԱԺ ՔՊ խմբակցության պատգամավոր Արեն Մկրտչյանը:
«Այս հատվածում ճանապարհի կեսը փլուզված է, և ռիսկ կա, որ գետն ավելի կփորի ճանապարհի մնացած հատվածի հիմքը՝ առաջացնելով փլուզման նոր վտանգ։
Սա ժամանակավոր և հրատապ միջոցառում է, մինչև կմեկնարկի ճանապարհի վերականգնման, հիմնանորոգման աշխատանքը»,- Ֆեյսբուքի էջում գրել է պատգամավորը: