Հակոբ Սիմիդյանն ընդունել է Նորվեգիայի դեսպանին

Նախարար Հակոբ Սիմիդյանն ընդունել է Հայաստանի Հանրապետությունում Նորվեգիայի Թագավորության արտակարգ և լիազոր դեսպան տիկին Բերգլյոտ Հովլանդին։

Ողջունելով տիկին դեսպանին, նախարարը շեշտել է, որ միջազգային համագործակցության ընդլայնումն ու ամրապնդումը շրջակա միջավայրի նախարարության առաջնային ուղղություններից է և նախարարությունը խիստ կարևորում է միջազգային փորձի փոխանակումը բնապահպանական տարբեր ծրագրերի իրականացման գործընթացում։

Հանդիպման ընթացքում նախարարը տիկին դեսպանին է ներկայացրել ոլորտի արդյունավետ կառավարմանն ուղղված օրենսդրական բարեփոխումները և ընթացիկ ծրագրերը:

Մասնավորապես անդրադարձ է կատարվել Էկոպարեկային ծառայության ստեղծմանը, անտառվերականգնման և պահպանության հիմնախնդիրներին:

Քննարկվել է «Շրջակա միջավայրի վրա ազդեցության գնահատման ու փորձաքննության մասին» ՀՀ օրենքում, «Ջրային օրենսգրքում», «Մթնոլորտային օդի պահպանության մասին» ՀՀ օրենքում իրականացված փոփոխությունբերը և բարեփոխումները:

Առանձին անդրադարձ է կատարվել մեկանգամյա օգտագործման պլաստիկ արտադրանքի գործածության ծավալների կրճատմսնն ուղղված գործընթացներին:

Նախարարը տիկին դեսպանի հետ խոսել է նաև բնապահպանական կառավարման գործընթացում քաղաքացիական հասարակությսն ներգրավվածության մասին` անդրադառնալով Օրհուս գրասենյակների վերագործարկման ընթացիկ աշխատանքներին:

Տիկին դեսպանն իր գոհունակությունն է հայտնել ներառական մոտեցման վերաբերյալ:

Նախարարը տիկին դեսպանի հետ քննարկել է նաև «Խաղաղության խաչմերուկ» նախագիծը:

Հանդիպման ավարտին կողմերը պատրաստակամություն են հայտնել խորացնելու համագործակցությունը հնարավոր ուղղություններով: