Ոստիկանությունն ինչպե՞ս է իր ուսադիրների վրա նստած խարանը մաքրելու. Գեղամ Մանուկյանը՝ քաղաքացիներին բերման ենթարկելու մասին

Այս ոստիկանության խեղճությունը տեսեք մեկ առանձին՝ Էջմիածի քաղաքի օրինակով։

Այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Գեղամ Մանուկյանը:

«Նախօրեին այդ համայնքի ավագանու ընդդիմադիր խմբակցությունը հայտարարել է, թե վաղ առավոտյան քաղաքի դպրոցներից մեկն այցելող Նիկոլ Փաշինյանին պատրաստվում են դիմավորել հաստատության բակում։

Ու ի՞նչ պիտի աներ օրենք պաշտպանող ոստիկանությունը. պարզ է, իր պարտականությունը կատարեր ու ապահովեր հասարակական կարգը։ Բայց Նիկոլի ոստիկանությունը վաղ առավոտյան բերման է ենթարկում հավանական բոլոր ցուցարարներին ու հայտարարում, թե դա արել է զենք-զինամթերք կրելու կասկածանքով։ Իշխանական քարոզչամեքենան էլ շտապ տարածում է այս լուրը։

Երեք ժամվա ընթացքում բոլոր քաղաքացիները ազատ կարձակվեն, բայց ոստիկանությունը
հետո ինչպե՞ս է իր ուսադիրների վրա նստած խարանը մաքրելու։ Չե՞ն ասի՝ քանի գրոշի արժեք ունի այդ ծառայությունը, երբ հանրության առաջ ձեր անձը դնում եք հիմարագույն վիճակում, ինչ է թե Նիկոլը ազատ դպրոց մուտք գործի։ Ձեր ատեստացիան ու մի քանի դրամը ձեր գլխին կպնեն»։