Նույնիսկ կարելի է մի երկու օր հանրահավաք չանել. երեկ հիմնական գործը արվել է․ Ստեփան Դանիելյան

Այսօրվա հանրահավաքի մասնակիցների քանակը 10-րդ կարգի գործոն է. Երեկ հիմնական գործը արվել է, մոբիլիզացիա իրականացել է։ Նույնիսկ կարելի է մի երկու օր հանրահավաք չանել։ Այս մասին Facebook-ի իր էջում գրել է քաղաքագետ Ստեփան Դանիելյանը:

Նա, մասնավորապես, նշել է. «Բացատրեմ ինչու։

Երեկվա հանրահավաքի արդյունքում ընդունվել է իմպիչմենտի որոշում։ Հիմա փողոցում դեռ գործ չկա անելու, գործը ԱԺ ընդդիմությունը պետք է անի.

1․ հավաքի անհրաժեշտ ստորագրությունները,
2․ պայմանավորվեն վարչապետի թեկնածուի համար։

Հաջորդ փուլում արդեն կգա համազգային հանրահավաքի ժամանակը, ԱԺ քվեարկության օրը, իսկ մինչ այդ ընտրողները, հատիկ-հատիկ, պետք է հանդիպեն պատգամավորների հետ և տեղ հասցնեն իրենց' ընտրողների պատգամը։

Հաջորդ հանրահավաքի համար մարդիկ կիմանան ինչի են հավաքվում և ինչ պետք է անեն, իսկ ռեժիմը պետք է մնա մաշեցնող անորոշության մեջ»։