Ղրղզստանի և Տաջիկստանի սահմանին 4 մագնիտուդ ուժգնությամբ երկրաշարժ է տեղի ունեցել

Այսօր 4 մագնիտուդ ուժգնությամբ երկրաշարժ է տեղի ունեցել Ղրղզստանի և Տաջիկստանի սահմանին:

Տեղեկությունը հայտնում է Ղրղզստանի սեյսմոլոգիայի ինստիտուտը։

Ինստիտուտի տվյալներով՝ 4 մագնիտուդով ստորգետնյա ցնցումները գրանցվել են Ղրղզստանի Քարամիկ գյուղից 18 կմ հարավ-արևմուտք և Բատկեն քաղաքից 105 կմ հեռավորության վրա: Էպիկենտրոնին մոտ գտնվող Ղրղզստանի բնակավայրերում՝ Քարամիկ և Շիբե գյուղերում, երկրակեղևի տատանումների ինտենսիվությունը կազմել է 2,5 բալ:

Եվս մեկ երկրաշարժ, ինչպես հայտնել են ինստիտուտից, գրանցվել է Ղրղզստանում, տեղական ժամանակով ժամը 12:02-ին:

Դրա մագնիտուդը կազմել է 3,8։ Ստորգետնյա ցնցումների օջախը գտնվել է Զաալայի լեռնաշղթայի մոտակայքում՝ Բոր Դեբե գյուղից 9 կմ հարավ-արևելք:

Բնակավայրում ցնցումների ուժգնությունը կազմել է մոտ 3 բալ:
Զոհեր և ավերածություններ չկան։