Կփորձենք անել նույնը, ինչ նախորդ խաղերում՝ հաղթել հանդիպումներն առանց Մեսսիի․ Սուարես

«Ինտեր Մայամիի» հարձակվող Լուիս Սուարեսը խոսել է Լիոնել Մեսսիի մասին։

«Մեսսին կարևոր խաղացող է, մենք դա գիտենք: Տեսնենք՝ կկարողանա՞ նա խաղալ, թե՞ ոչ: Եթե ոչ, մենք կփորձենք անել նույնը, ինչ նախորդ հանդիպումներում՝ հաղթել հանդիպումներն առանց նրա»,- ArmSport-ի փոխանցմամբ՝ ասել է Սուարեսը։

Հինգշաբթի ԿՈՆԿԱԿԱՖ-ի չեմպիոնների գավաթի խաղարկությունում «Ինտեր Մայամին» կխաղա «Մոնտերեյի» հետ:

Վնասվածքի պատճառով Մեսսին չի կարողացել մասնակցել «Ինտեր Մայամիի» վերջին երեք հանդիպումներին, ինչպես նաև բաց է թողել Արգենտինայի ընկերական խաղերը Սալվադորի (3:0) ու Կոստա Ռիկայի (3:1) հետ:

Այս մրցաշրջանում Մեսսին «Ինտեր Մայամիի» կազմում անցկացրել է 5 հանդիպում, խփել 5 գոլ և կատարել 2 արդյունավետ փոխանցում։