«Կրոկուսի» աշխատակիցը խոսում է իր ղեկավարության ռասիզմի մասին, ողբերգության ֆոնին փորձում է ատելություն սերմանել․ Տիգրան Բալայան

Ալիևյան ռեժիմի կողմից հայկական ամեն ինչի դեմ տասնամյակներ շարունակ ատելության քարոզչության սարսափելի հետևանքները։ Այս մասին գրառում է արել ԵՄ-ում ՀՀ դեսպան Նիդերլանդների Թագավորությունում Հայաստանի Հանրապետության արտակարգ և լիազոր դեսպան Տիգրան Բալայանը՝ անդրադառնալով «Կրոկուսի» ենթադրյալ աշխատակիցներից մեկի մեկնաբանությանը, որը հնչել է ռուսական լրատվականերից մեկով։

«Աշխատակիցը խոսում է իր ղեկավարության ռասիզմի մասին, «բոլոր աշխատակիցներն ադրբեջանցիներ են» ասում է նա, և հսկայական ողբերգության ֆոնին փորձում է ատելություն սերմանել։ Ռուսաստանի Դաշնության Քրեական օրենսգրքի առնվազն երկու կամ երեք հոդվածներ են նշմարվում»,-նշել է դեսպանը։

Վերջին տվյալներով՝ մերձմոսկովյան այս համերգասրահում զոհվել է առնվազն 143 մարդ։ Նախնական տվյալներով՝ մարդկանց մահվան պատճառ էին դարձել հրազենային վնասվածքները և այրվող նյութերից թունավորումը։

Համերգասրահի վրա հարձակումից հետո «Կրոկուս»-ում հրդեհ էր բռնկվել։ Դրա հետևանքով շենքն ամբողջությամբ այրվել էր։ Այն պատկանում է ադրբեջանցի մեծահարուստ Արազ Աղալարովին։

ՌԴ ԱԴԾ-ն այսօր հայտարարել է, որ ձերբակալել է ահաբեկչական հարձակման 4 կասկածյալներին։

Ужасающие последствия десятилетий пропаганды ненависти против всего армянского режимом Алиева. Сотрудник #Крокусситихолл рассказывает о расизме своего руководства "все сотрудники азербайджанцы", и на фоне огромной трагедии пытается разжечь ненависть на пустом месте. Как минимум… pic.twitter.com/oEztnydTSm

— Tigran Balayan (@tbalayan) March 23, 2024