Բենզալցակայանում հայտնաբերվել է սպանության փորձ կատարած 31-ամյա երիտասարդը

Ոստիկանության Արմավիրի մարզային վարչության, Մեծամորի և Արմավիրի բաժինների ծառայողները համատեղ ձեռնարկած միջոցառումների արդյունքում մարտի 1-ին, ժամը 22.20-ին, Ծաղկաձոր քաղաքի Սարալանջի փողոցի բենզալցակայանում հայտնաբերել, ձերբակալել և բաժին են տեղափոխել 31-ամյա Հովհաննես Ա.-ին: Նա փետրվարի 1-ից ոստիկանության Մեծամորի բաժնի կողմից հետախուզվում էր ՀՀ քրեական օրենսգրքի 44-155-րդ հոդվածի (Սպանության փորձը) մեղադրանքով:

Խափանման միջոցը՝ կալանք:
Հովհաննես Ա.-ն և կազմված փաստաթղթերը ներկայացվել են Արմավիրի մարզային քննչական վարչություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: