Մոսկվայում Սերգեյ Փարաջանովի 100-ամյակին նվիրված մոնոներկայացում է բեմադրվել

Սերգեյ Փարաջանովի 100-ամյակին նվիրված հոբելյանական միջոցառումների շրջանակում Մոսկվայում Ռուսաստանի բանակի կենտրոնական տանը մոնոներկայացում է բեմադրվել:

Նախաձեռնությունը կյանքի է կոչվել Մոսկվայում գործող Սերգեյ Փարաջանովի անունը կրող թատրոնի կողմից: Այն հանդիսատեսի դատին է ներկայացրել դերասանուհի Լուիզա Գաբբեն:

ՌԴ մշակույթի նախարարության, ՌԴ-ում ՀՀ դեսպանատան և Ռուսաստանի բանակի կենտրոնական տան աջակցությամբ կայացած ներկայացմանը, որում արտացոլված էին Սերգեյ Փարաջանովի կյանքի բարդ ուղին և ստեղծագործական ընթացքը, ներկա էին ՌԴ-ում ՀՀ դեսպանատան ներկայացուցիչներ, ՌԴ մշակույթի գործիչներ, տեղի հայ համայնքի անդամներ:

Մոսկվայում «Արմենպրես»-ի թղթակցի հետ զրույցում Լուիզա Գաբբեն նշել է, որ մոնոներկայացումը Փարաջանովի ապրած տարիների և նրա անունը կրող թատրոնի ստեղծման պատմության համադրումն էր։

«Մեծ պատիվ ու պատասխանատվություն է վարպետի 100-ամյակի առթիվ այս ֆորմատով արվեստասեր հասարակությանը ներկայանալը։ Դա մեր երախտիքի յուրօրինակ արտահայտումն է նաև»,- նշել է դերասանուհին` ներկայացումը ոչ թե խաղ, այլ ապրում որակելով։

Նրա խոսքով` մեծ է պիեսը հայաստանաբնակ հանդիսատեսի համար բեմադրելու ցանկությունը։

Մանրամասները՝ սկզբնաղբյուրում։