Կիևը «հատուկ քիմիական գոտու» կիրառմամբ մարտական գործողությունների է պատրաստվում. ՌԴ ՊՆ

Կիևը «հատուկ քիմիական գոտու» մարտավարություն է մշակում։ Այս հայտարարությունն արել է ՌԴ ԶՈւ ռադիացիոն, քիմիական և կենսաբանական պաշտպանության զորքերի պետ, գեներալ-լեյտենանտ Իգոր Կիրիլովը:

«Կիևի ռեժիմը արևմտյան համակարգողների աջակցությամբ մշակում է «հատուկ քիմիական գոտու» կիրառմամբ մարտական գործողությունների վարման նոր մարտավարություն։

Այն նախատեսում է ջրածնաթթվով և ամոնիակով տարողությունների պայթեցում ռուսական զորքերի առաջխաղացման ընթացքում», – ասել է Կիրիլովը ԱՄՆ-ի և Ուկրաինայի կողմից քիմիական զենքի արգելման կոնվենցիայի պահանջների խախտմանը նվիրված ճեպազրույցի ժամանակ։

Նա պարզաբանել է, որ 2023 թվականի սեպտեմբերից մինչև հոկտեմբեր այդ քիմիկատները մատակարարվել են Կրամատորսկ ու Կուպյանսկ քաղաքների շրջաններ։ Կիրիլովի խոսքով՝ Կիևը նախատեսում է դրանք տեղակայել ավտոճանապարհների երկայնքով՝ հիմնական տրանսպորտային հանգույցներում։

«Ենթադրվում է, որ նման մարտավարությունը զգալիորեն կդժվարացնի Ռուսաստանի Դաշնության զինված ուժերի գրոհային գործողությունների ակտիվությունը և Կիևին լրացուցիչ ժամանակ կտա Զապորոժիեի, Խարկովի և Սումիի շրջաններում պաշտպանական սահմաններնախապատրաստելու համար», – ասել է Կիրիլովը:

Նա նաև ասել է, թե ԵՄ-ում Ուկրաինայի մշտական ներկայացուցչությունն ինչ դիմումներ է ներկայացրել 2024 թվականին Ուկրաինայի զինված ուժերի մատակարարման համար` 283 հազարական համազորային պաշտպանիչ հանդերձանք և հակագազեր, 500 հազարական պաշտպանիչ ձեռնոցներ և հակաքիմիական փաթեթներ, հակաթույների 150 հազար հավաքածու, մարտական թունավոր նյութերի օպերատիվ հայտնաբերման 20 հազար թեստ։