Ակնհայտ է, որ ոչ-ոքին մեզ չէր գոհացնում․ Անչելոտի

Մադրիդի «Ռեալի» գլխավոր մարզիչ Կառլո Անչելոտին մեկնաբանել է «Ռայո Վալեկանոյի» հետ Իսպանիայի Պրիմերայի 25-րդ տուրի ոչ-ոքին (1:1)։

«Մենք շատ լավ սկսեցինք խաղը, տիրում էինք գնդակին, գոլ խփեցինք և կարող էինք մեկ այլ գոլ խփել, Վալվերդեն հարվածեց դարպասաձողին… Մինչ «Ռեալի» դեմ 11 մետրանոցը, մենք ամեն ինչ շատ լավ արեցինք, իսկ հետո խաղը փոխվեց: Եղան շատ մենապայքարներ, բախումներ, դադարներ՝ նման իրավիճակում լուծում գտնելը հեշտ չէր։

Մենք կռվեցինք. ակնհայտ է, որ ոչ-ոքին մեզ չէր գոհացնում, բայց մենք առաջ ենք շարժվում: Աղյուսակում մենք շատ լավ դիրքում ենք, հանգիստ ենք և պատրաստվում ենք հաջորդ հանդիպմանը»,- Armsport-ի փոխանցմամբ՝ Անչելոտիի խոսքերն է մեջբերում AS-ը։