на Русском
Սպիտակի ոլորաններում ձյան տեղումներ են
Վեհափառը նորաօծ քահանաներին հորդորել է հայորդ... 
Չհարձակվելու պայմանագրի մասին վարչապետի հայտարարությանը քաղաքական անդրադարձ չի եղել. Կոստանյան
Նիկոլ Փաշինյանի կողմից Ադրբեջանին արված առաջարկությունները՝ սպառազինությունների վերահսկման ու չհարձակման պայմանագրի վերաբերյալ, քաղաքական հայտարարություններ են, դրանց համապատասխան քաղաքական անդրադարձ չի եղել։ Այս մասին լրագրողների հետ զրույցում ասել է ՀՀ ԱԳ փոխնախարար Վահան Կոստանյանը։
«Եթե լինեն դրական ազդակներ, քննարկումներն այլ փուլ կտեղափոխվեն»,- ասել է նա և ընդգծել, որ Հայաստանը շարունակում է հետաքրքրված լինել հարևանների հետ հարաբերությունների կարգավորմամբ ու խաղաղության պայմանագիր կնքելով:
«Հունվարի 4-ին ուղարկել ենք հայկական կողմի համապատասխան համաձայնագրի (Ադրբեջանի հետ խաղաղության պայմանագրի- խմբ.) տեքստի լրամշակված տարբերակը: Սպասում ենք Ադրբեջանի պատասխանին»,- ասել է ԱԳ փոխնախարարը՝ հիշեցնելով ադրբեջանական կողմի հայտարարությունն առ այն, որ ՀՀ առաջարկներին պատասխանը կլինի մի շաբաթվա օրվա ընթացքում։
Պատասխանելով լրագրողի հարցին, թե ճի՞շտ են տեղեկությունները, որ ՌԴ-ն ցանկանում է փոխել ՀՀ-ում իր դեսպանին, Կոստանյանը ասաց.
«ԱԳՆ-ն պաշտոնապես որևէ գրություն չի ստացել»։
