Հայտնի են «Բարսելոնա»-ի գլխավոր մարզչի պաշտոնի հիմնական թեկնածուները

«Ժիրոնա»-ի գլխավոր մարզիչ Միչելը «Բարսելոնա»-ի գլխավոր մարզչի պաշտոնում Չավիին փոխարինելու հիմնական թեկնածուներից մեկն է։ Այս մասին, armsport.am-ի փոխանցմամբ, հայտնել է լրագրող Նիկոլո Սկիրան:

Մինչդեռ Daily Mail-ի փոխանցմամբ՝ այս պաշտոնի հիմնական թեկնածուն «Բրայթոն»-ի գլխավոր մարզիչ Ռոբերտո Դե Զերբին է։ Ըստ աղբյուրի՝ այդ պաշտոնին հավակնում են նաև Ռաֆայել Մարկեսը, որը մարզում է «Բարսա»-ի երիտասարդական թիմը, և Խուլեն Լոպետեգին, որի վերջին աշխատավայրը եղել է «Վուլվերհեմփթոն»-ը:

Հիշեցնենք, որ Չավին հայտարարել է, որ կհեռանա «Բարսելոնա»-ից 2023/24 մրցաշրջանի ավարտից հետո։ Մասնագետը թիմը գլխավորել է 2021 թվականի նոյեմբերին։ Նրա գլխավորությամբ «Բարսելոնա»-ն հաղթել է առաջնությունը և Իսպանիայի Սուպերգավաթը։