Սոչիում սպանել են հումորիստ Ամիրան Գևորգյանին

Սոչիում ծեծկռտուքի ժամանակ սպանել են հումորիստ Ամիրան Գևորգյանին, գրում է SHOT-ը։

Ծեծկռտուքը տեղի է ունեցել հունվարի 18-ի առավոտյան՝ «Ժեմչուժինա» հյուրանոցի մոտ, որտեղ ամեն տարի անցկացվում է КВН փառատոնը։

31-ամյա Գևորգյանը կռվի է բռնվել դաղստանցի 32-ամյա Արթուր Ռասուլովի հետ։ Նա հետախուզվում է։

Հաղորդվում է, որ ծեծկռտուքի ժամանակ Գևորգյանը գլխով հարվածել է աստիճաններին և կորցրել գիտակցությունը։

Նրան տեղափոխել են հիվանդանոց, որտեղ նրա մոտ ախտորոշվել է գանգուղեղի կոտրվածք, գլխի բաց վնասվածք, աջ և ձախ էպիդուրալ հեմատոմա։

Նա կոմայի մեջ է ընկել, ինչից հետո՝ երկու օր անց Գևորգյանը, գիտակցության չգալով, մահացել է։

31-ամյա Ամիրան Գևորգյանը Սոչիի КВН «Южная столица» թիմի նախկին անդամ է, հումորիստ և հարսանյաց հանդեսների հաղորդավար։