Ունենք ինքնակամ շինությունների դեպքեր, որոնք չեն արձանագրվել վարչական շրջանի աշխատակիցների կողմից. Ավինյան

Այսօր՝ Երևանի քաղաքապետարանի գործակարգավարական նիստի ժամանակ քաղաքապետարանի հասարակական կարգի պահպանության ծառայության պետ Արամ Գյուրզադյանը նշեց, որ հաշվետու ժամանակահատվածում աշխատակազմի հասարակական կարգի պահպանության ծառայությունը Երևան քաղաքի վարչական տարածքում քաղաքաշինության, առևտրի և ծառայությունների, ինչպես նաև կոմունալ տնտեսության ոլոտներում զանցանք թույլ տված անձանց նկատմամբ կազմել է թվով 85 արձանագրույթուն:

«Որից կառուցապատվող օբյեկտներում շինարարական հրապարակները կազմակերպված չլինելու վերաբերյալ թվով 32, առանց համապատասխան քաղքակաշինական փաստաթղթերի ինքնակամ շինությունների իրականացման թվով՝ 22 արձանագրություն և այլն»,- նշեց նա հավելելով՝ կազմված արձաագրությունների քանակն ավելացել է 20-ով:

Արձագանքելով քաղաքապետ Տիգրան Ավինյանն ասաց. «Պարոն Գյուրզադյան ուզում եմ իմ մտահոգությունը հայտնել այն մասով, որ ունենք արձանագրումներ որոշ վարչական շրջաններում ինքնակամ շինությունների, որոնք չեն արձանագրվել հենց վարչական շրջանի աշխատակիցների կողմից: Մասնավորապես քանակապես մի քիչ տարօրինակ թիվ ենք ունեցել Էրեբունիում և պետք է խնդրեմ ուշադիր լինել և մանրամասնորեն ամեն մի դեպքի հստակ բացատրությունը տրվի, թե ինչո՞ւ է այդպես ստացվել, որովհետև անկեղծ ասած քանակապես ինձ միչ տարօրինակ թվաց. կամ ունենք խնդիր վարչական շրջանի ներսում կամ միգուցե կա բացատրություն, որը դուք կտաք»: