Բերման է ենթարկվել օրենքով գող «Օշականցի Գևորիկի» եղբորորդին, նրա մոտ թմրանյութ է եղել

Այսօր՝ հունվարի 20-ին, Արագածոտնի մարզի պարեկները Աշտարակ քաղաքի Սիսակյան ու Նարեկացի փողոցների խաչմերուկում թմրանյութ պահելու և օգտագործելու անմիջականորեն ծագած կասկածի հիման վրա ձերբակալել ու ոստիկանության Աշտարակի բաժին են տեղափոխել Օշականի բնակիչ, 35-ամյա Գրիգոր Հ.-ին:

Այս մասին հայտնում է Shamshyan.com-ը։

Գրիգոր Հ․-ն եղել է Mercedes մակնիշի ավտոմեքենայով, նրա «Vertu» տեսակի բջջային հեռախոսի մարտկոցի պահոցում հայտնաբերել են կասկածելի փաթեթ, որում եղել է սպիտակ բյուրեղանման զանգված, իսկ վերարկուում գտնվող ծխախոտի տուփի մեջ հայտնաբերվել է 3 փաթեթ՝ լցված կանեփանման դեղնականաչավուն կիսաչոր զանգված, որը կշռել է մոտ 19 գրամ:

Աշտարակի բաժնում Գրիգոր Հ.-ն հայտնել է, որ իր մոտ եղած 3 փաթեթը կանեփ տեսակի թմրամիջոց են:

Գրիգոր Հ.-ն օրենքով գող «Օշականցի Գևորիկի» եղբոր տղան է: