Լոռու նորանշանակ մարզպետը «Քանաքեռցի Տույի» հորեղբոր տղան է․ Armlur

Լոռու նորանշանակ մարզպետ Արամ Ղազարյանը քրեական հեղինակություն Արթուր Ղազարյանի՝ բոլորին հայտնի «Քանաքեռցի Տույի» հորեղբոր տղան է, հայտնում է Armlur.am-ը։

«Արամ Ղազարյանը 2016-ից երկուսուկես տարի եղել է Ոստիկանության Լոռու մարզային վարչության պետը, ապա նույն պաշտոնը զբաղեցրել է Գեղարքունիքի մարզում, իսկ հետո՝ մինչև անցած տարի, Շիրակի մարզում է ղեկավարել Ոստիկանության մարզային վարչությունը։

2023 թվականի հունիսից Տարածքային կառավարման և ենթակառուցվածքների նախարարության ենթակայությամբ գործող «Երևան ՋԷԿ» ՓԲԸ գլխավոր տնօրենն է։

Հավելենք, որ 2021 թվականի նոյեմբերի 11-ին Քանաքեռի 16-րդ փողոցի տներից մեկում հայտնաբերվել են 42-ամյա Արթուր Ղազարյանի՝ քրեական աշխարհում հայտնի «Քանաքեռցի Տույ»ի, և 37-ամյա Ա. Խ.-ի դիերը՝ հրազենային վնասվածքներով։

Իսկ տունը, որտեղ տեղի է ունեցել դեպքը, պատկանում է նախկին ՀՀԿ-ական պատգամավոր Արտուշ Սիմոնյանին: Սպանվածներից մեկն էլ հենց նախկին պատգամավոր Արտուշ Սիմոնյանն էր։ Նա 61 տարեկան էր»,- նշում է աղբյուրը։