Միասին մենք ուժեղ ենք. Լապորտան հանդիպել է «Բարսելոնայի» խաղացողների հետ Սուպերգավաթում կրած պարտությունից հետո

«Բարսելոնայի» նախագահ Ժոան Լապորտան այսօր հանդիպել է ակումբի խաղացողների հետ, հաղորդում է կատալոնական ակումբի պաշտոնական կայքը, փոխանցում է shantnews.am-ը։

«Լապորտան ընդգծել է թիմի որակն ու տաղանդը՝ ասելով, որ նրանք ունեն ամեն ինչ իրավիճակը շտկելու համար։ Նա ֆուտբոլիստներին հիշեցրել է, որ մրցաշրջանի ամենակարևոր մրցաշարերի՝ Իսպանիայի առաջնության, Չեմպիոնների լիգայի ու Իսպանիայի գավաթի համար պայքարը դեռ ընթացքի մեջ է։

Ինչպես ասվում է «Բարսելոնայի» օրհներգում, «միասին մենք ուժեղ ենք» ու մրցաշրջանի ամենաբարձր նպատակներին դեռ հնարավոր է հասնել»,-ասված է Իսպանիայի գործող չեմպիոնի պաշտոնական կայքի տարածած հաղորդագրության մեջ։

Իսպանիայի Սուպերգավաթի եզրափակչում «Բարսելոնան» 1-4 հաշվով զիջել էր Մադրիդի «Ռեալին»։