Իմ հիմնական խնդիրը մրցավարների հանդեպ էմոցիոնալ լինելն է․ Նաիր Տիկնիզյան

Հայաստանի ազգային հավաքականի ու Մոսվկայի «Լոկոմոտիվի» պաշտպան Նաիր Տիկնիզյանն ասել է, որ իր խաղի գլխավոր խնդիրներից է համարում մրցավարների նկատմամբ ավելորդ էմոցիոնալ լինելը։

«Ես շատ լավ եմ վերաբերվում մրցավարներին։ Սրանք բոլորը զգացմունքներ են, բայց ամեն դեպքում զգացմունքները չեն կարող արդարացնել նման պահվածքը։ Այսօր սա իմ հիմնական խնդիրն է, ես պետք է զբաղվեմ դրանով որքան հնարավոր է շուտ։ Ինձ համար ֆուտբոլում մրցավարները մեծ նշանակություն ունեն։ Նրանք չափազանց անարդար մասնագիտություն ունեն՝ 89 րոպե կարող ես հրաշալի դատել, բայց 90-ին սխալ ես թույլ տալիս, որը հետո բոլորը կքննարկեն։

Այո, հանդիպումների ժամանակ անհարգալից արտահայտություններ եմ նկատում մրցավարների հասցեին։ Փաստն այն է, որ իմ սիրելի բանն ինձ մոտ զգացմունքների փոթորիկ է առաջացնում։ Խաղից հետո ես մի քանի անգամ բարձրացա և փորձեցի բացատրել իմ պահվածքը։ Անձամբ Ռուսաստանում շատ դատավորներ ինձ լավ են վերաբերվում, գիտեն իմ բնավորությունը, ոմանք կարող են հանգստացնել ինձ հենց հանդիպման ժամանակ։ Ասում են՝ կա՛մ կհանգստանաք, կա՛մ կպատժվեք։ Ես գնահատում եմ այս մարդկային մոտեցումը»,- ասել է նա։