Հրապարակվել է Երուսաղեմի հայկական թաղամասում տասնյակ իսրայելցիների կողմից տեղի հայերի վրա հարձակման տեսանյութը

Համացանցում տեսանյութ է հրապարակվել Երուսաղեմի հայկական թաղամասում տասնյակ իսրայելցիների կողմից տեղի հայերի վրա հարձակման վերաբերյալ:

Այս մասին գրում է jordannews.jo կայքը՝ նշելով, որ տեսանյութում երևում է, որ 30 իսրայելցի ներխուժում են Երուսաղեմի հայկական թաղամասի «Կովերի պարտեզի» կոչվող տարածք՝ հարձակվելով քահանաների, բնակիչների և հավատացյալների վրա:

Կայքը նկատում է, որ Իսրայելի ոստիկանությունն իսրայելցի ագրեսորների փոխարեն երկու հայ է ձերբակալել:

Նշենք, որ Երուսաղեմի Հայոց պատրիարքարանի դիվանապետ Աղան Գոգչյանը ֆեյսբուքյան էջում ահազանգել էր, որ Երուսաղեմում զանգվածային և համակարգված ֆիզիկական հարձակում է իրականացվել եպիսկոպոսների, քահանաների, սարկավագների և հայ համայնքի այլ անդամների վրա:

Նա մանրամասնել էր, որ որոշ քահանաներ, Հայկական աստվածաբանական ակադեմիայի ուսանողներ և տեղի հայեր ծանր վիրավոր են:

Israeli settlers attack Armenian protesters in the Armenian Quarter in the Old City of occupied Jerusalem.#CEASEFIRE_NOW
#GazaMassacare #GazasBloodyChristmas #IsraelIsATerroristState pic.twitter.com/RnqFa3wysR

— Palestine Info Center (@palinfoen) December 28, 2023