Բժիշկն անվանել է անբավարար քնի և վտանգավոր հիվանդության կապը

Էնդոկրինոլոգ, բժշկական գիտությունների դոկտոր Զուհրա Պավլովան զգուշացրել է, որ քնի պակասը կարող է առաջացնել ճանաչողական հիվանդությունների զարգացում, մասնավորապես՝ անբուժելի Ալցհեյմերի հիվանդություն։ Այս մասին նա խոսել է իր Telegram ալիքում։

Պավլովան բացատրել է, որ տկարամտություն ունեցող 10 հիվանդներից 9-ը երկար ժամանակ բավականաչափ չեն քնել։ Միևնույն ժամանակ, նրա խոսքով, գիտնականները պարզել են, որ կարևոր է ոչ միայն բավականաչափ, այլև կանոնավոր կերպով քնելը։ Այսպիսով, նա վատ գաղափար է անվանել մեկ օր 10 ժամ, իսկ մյուս օրերին՝ հինգ կամ վեց ժամ քնելը:

Բացի այդ, ծերունական դեմենցիան կարող է զարգանալ դեպրեսիայի, վնասվածքների, հիվանդության և սթրեսի պատճառով, ինչը բացասաբար է անդրադառնում ուղեղի վիճակի վրա։

Էնդոկրինոլոգը նաև հիշեցրել է, որ քնի գրաֆիկի պահպանումը կարևոր է նույնիսկ արձակուրդի ժամանակ։ Անհրաժեշտ է ամեն օր գիշերը քնել 7-8 ժամ, և ոչ ուշ, քան 22:30-ը, փոխանցում է Shantnews-ը։