«Քաղաքական գործերով «պերեդոզներ», իշխանական ստրուկներ և ստեղծված իրավիճակին ոչ մի կերպ չհամակերպվող մարդիկ»․ Տիգրան Աբրահամյան

ԱԺ «Պատիվ ունեմ» խմբակցության պատգամավոր Տիգրան Աբրահամյանը նկարագրել է՝ ինչպիսին է հայաստանյան քաղաքական առօրյան։

«Օրվա ընթացքում քաղաքական գործերով միանգամից 3 դատական նիստ էր:

Առավոտյան Նարեկ Սամսոնյանի բենեֆիսն էր, ով իր հեղինակային հաղորդման ժամանակ նկարագրել էր ԱԺ-ում տեղի ունեցած «մարտերը», ինչը որպես առիթ օգտագործելով՝ իշխանությունը գործ է կարկատել:

Ոչինչ, Նարեկն այս վիճակին ծանոթ է` մի կերպ կդիմանա:

Օրվա միջնամասում 44-օրյա պատերազմում սխրանքներ գործած ու նահատակված Մխիթար Գալեյանի հոր` Գարիկ Գալեյան գործով դատավարությունն էր:

Գարիկը տնային կալանքի մեջ է և թիվս մեծ թվով սահմանափակումների, վերջինս հնարավորություն չի ունենում այցելելու իր Սրբավայր` Եռաբլուր:

Այս գործով իշխանությունը մեծ ջանքեր է գործադրում` Գարիկին ու նրա ընտանիքին առավելագույն վնասներ և տհաճություններ պատճառելու համար:

Օրվա վերջին արդեն Նարեկ Մալյանի գործով դատավարությունն է, որը վաղուց խեղկատակության է վերածվել, իսկ վերջինս շարունակում է կալանքի տակ մնալ:

Նարեկը ձանձրույթից դատի ժամանակ ընթերցանությամբ է զբաղվում, իսկ ընդմիջումներին իշխանության տարբեր գործիքներին քաղաքական չափալախներ հասցնում:

Հայաստանյան քաղաքական առօրյան է` քաղաքական գործերով «պերեդոզներ», իշխանական ստրուկներ և ստեղծված իրավիճակին ոչ մի կերպ չհամակերպվող մարդիկ»,- գրել է Աբրահամյանը՝ սոցցանցի իր էջում: