Արձանագրվել է դեղի ծայրահեղ վնասակար կողմնակի ազդեցության դեպք

«ՖԱՐՄԱՏԵՔ» ՓԲ ընկերության արտադրության շրջանառությունը դադարեցված դեղերի վերաբերյալ փաստաթղթերի ուսումնասիրության, նմուշների լաբորատոր փորձաքննության և արտադրատարածքում իրականացված պատշաճ արտադրական գործունեության կանոնների համապատասխանության դիտարկման արդյունքների համաձայն «Նատրիումի քլորիդ 0.9% (9մգ/մլ) կաթիլաներարկման լուծույթ» պլաստիկե փաթեթ 200 մլ» դեղի՝ 22.325.03D, 22.341.10A սերիաների դեպքում առկա են առաջին (արձանագրվել է ծայրահեղ վնասակար կողմնակի ազդեցության դեպք, պիրոգեն ռեակցիա) և երրորդ (առկա է արտադրանքի աղտոտում մասնիկներով) դասերի թերություն, «Նատրիումի քլորիդ)) 0.9% (9մգ/մլ) կաթիլաներարկման լուծույթ» պլաստիկե փաթեթ 200 մլ» դեղի՝ 22.341.09B, 22.325.04B սերիաների և «Ռինգեր (նատրիումի քլորիդ, կալիումի քլորիդ, կալցիումի քլորիդ (կալցիումի քլորիդի դիհիդրատ, 8,6մգ/մլ+0,3մգ/մլ+0,33մգ/մլ, կաթիլաներարկման լուծույթ պլաստիկե փաթեթ 250 մլ» դեղի՝ 23.032.02C սերիայի դեպքում առկա է երրորդ դասի (առկա է արտադրանքի աղտոտում մասնիկներով) թերություն։

Դեղերն արտադրող «ՖԱՐՄԱՏԵՔ» ՓԲ ընկերությանը տրվել է կարգադրագիր՝ շրջանառությունը ժամանակավոր դադարեցված «Նատրիումի քլորիդ 0.9% (9մգ/մլ) կաթիլաներարկման լուծույթ» պլաստիկե փաթեթ 200 մլ» դեղի՝ 22.325.03D, 22.341.10A, 22.341.09B, 22.325.04B սերիաները և «Ռինգեր (նատրիումի քլորիդ, կալիումի քլորիդ, կալցիումի քլորիդ (կալցիումի քլորիդի դիհիդրատ)), 8,6մգ/մլ+0,3մգ/մլ+0,33մգ/մլ, կաթիլաներարկման լուծույթ պլաստիկե փաթեթ 250 մլ» դեղի՝ 23.032.02C սերիան շրջանառությունից հանելու (հետկանչի) մասին։