Գիտնականները բացահայտել են Չինական Մեծ պատի ամրության գաղտնիքը

Չինաստանի Գիտությունների ակադեմիայի և կրթության նախարարության գիտնականների կողմից Չինաստանի Մեծ պատի վերջին հետազոտությունները ցույց են տվել, որ կենսակեղևները բարելավում են մեխանիկական դիմադրությունը և նվազեցնում կառուցվածքի էրոզիան: Կենսակեղևները զբաղեցնում են տարածքների 67%-ը և 3 անգամ մեծացնում են կառուցվածքի դիմադրությունը էրոզիայի նկատմամբ։

Ինչպես հաղորդվում է Science Advances-ում, կենսակեղևը բնության կողմից ստեղծված կենդանի գիպսային շերտ է, որը բաղկացած է ցիանոբակտերիայից (ֆոտոսինթեզի ընդունակ միկրոօրգանիզմներ), մամուռներից և քարաքոսերից, որոնք օգնում են ամրացնել կառուցվածքը, հատկապես երկրի չոր և կիսաչոր շրջաններում, հաղորդում է Planet Today-ը:

Համեմատ մերկ խտացված հողի հետ՝ կենսակեղևներով ծածկված տեղամասերը ցույց են տվել ծակոտկենության, ջրի պահպանման հզորության, էրոզիայի և աղիության 2–48% նվազում, իսկ սեղմման ուժի, ներթափանցման դիմադրության, կտրելու ուժի և ագրեգատի կայունության 37–321% աճ։

Բացի այդ, պարզվել է, որ կենսակեղևների պաշտպանիչ գործառույթը հիմնականում կախված է դրանց բնութագրերից, կլիմայական պայմաններից և կառուցվածքների տեսակներից, հայտնում է news.am-ը։