Հենրիխ Մխիթարյանը որակապես բարձր ֆուտբոլիստ է․ Գվարդիոլա

Անգլիական «Մանչեսթր Սիթիի» մարզիչ Պեպ Գվարդիոլան անդրադարձել է Հայաստանի ֆուտբոլի հավաքականի նախկին անդամ Հենրիխ Մխիթարյանին՝ գնահատելով նրան որպես գերազանց ֆուտբոլիստ։

«Նա գերազանց ֆուտբոլիստ է։ Թե ինչպես նրա բացակայությունն ազդեց Ինտերի խաղի վրա, պետք է Սիմոնե Ինձագիին հարցնեք։ Իհարկե, նա գերազանց ֆուտբոլիստ է։ Հիշում եմ` երբ ես Բավարիայում էի, իսկ նա` Դորտմունդում Թոմաս Տուխելի օրոք, նրա ազդեցությունը թիմի վրա շատ լավն էր։

«Բորուսիա Դորտմունդ», «Մանչեսթեր Յունայթեդ», հիմա` «Ինտեր»... թոփ-ակումբներ են։ Նրան 2 անգամ եմ հանդիպել Մանչեսթերի ռեստորաններից մեկում։ Գիտեմ, որ հրաշալի, հրաշալի մարդ է։

Նա որակապես բարձր ֆուտբոլիստ է։ Բայց ոչինչ չեմ կարող ասել նրա` եզրափակիչին չմասնակցելու ազդեցության մասով»,– ասել է նա։