Մարդու միջամտությունը հանգեցրել է Լուսնի անցմանը նոր երկրաբանական դարաշրջանի

Գիտնականներն ասում են, որ մարդիկ այնքան անհանգստություն են պատճառել Լուսնին, որ այն թեւակոխել է նոր դարաշրջան։

Ավելի քան հարյուր տիեզերանավ է վայրէջք կատարել Լուսնի մակերեսին 1959 թվականին Խորհրդային Միության կողմից Լունա 2-ի արձակումից հետո, և առաջատար փորձագետները ասում են, որ Երկրի արբանյակն այժմ գտնվում է «լուսնային անթրոպոցեն» դարաշրջանում:

Ենթադրվում է, որ Երկիրը հոլոցենից անցում է կատարել անտրոպոցենին մոտավորապես այն ժամանակ, երբ պայթեցվեց առաջին միջուկային զենքը՝ թողնելով անջնջելի հետք մոլորակի երկրաբանության վրա:

Լուսինը եղել է Կոպեռնիկոսյան ժամանակաշրջանում վերջին միլիարդ տարիների ընթացքում, որը սկսվել է այն ժամանակ, երբ հրաբխային լավան դադարել է հոսել, սակայն Nature Geoscience ամսագրում հրապարակված նոր հոդվածում Կանզասի համալսարանի մարդաբաններն ու երկրաբանները պնդում են, որ առաքելությունները դեպի Լուսին Երկրի արբանյակի համար սկիզբ դրեցին մարդկային միջամտության նոր դարաշրջանի:

Հետազոտողները նաև կոչ են արել ստեղծել ակադեմիական «տիեզերական ժառանգության» նոր ոլորտ, որը կպահպանի կամ կատալոգավորի այնպիսի առարկաներ, ինչպիսիք են մարսագնացները, դրոշները և ոտնահետքերը լուսնի մակերեսին, տեղեկցնում է news.am-ը։