Մտածել եմ Սաուդյան Արաբիա տեղափոխվելու մասին․ Մեսսի

«Ինտեր Մայամիի» հարձակվող Լիոնել Մեսսին խոսել է կարիերան շարունակելու այն տարբերակների մասին, որոնք ուներ նախորդ մրցաշրջանի ավարտին ՊՍԺ-ից հեռանալուց հետո։

«Ճշմարտությունն այն է, որ, բարեբախտաբար, սեղանին ունեի մի քանի հետաքրքիր տարբերակներ, և ես ստիպված էի վերլուծել դրանք և մտածել դրանց մասին նախքան Մայամի տեղափոխվելու վերջնական որոշումը: Իմ առաջին տարբերակը «Բարսելոնա» վերադառնալն էր, բայց դա հնարավոր չէր։ Փորձեցի վերադառնալ, բայց չստացվեց։ Սաուդյան Արաբիան իրոք ակտիվ մասնակցություն ունեցավ այս գործընթացում։

Ճիշտ է նաև, որ հետո շատ էի մտածում Սաուդյան Արաբիայի առաջնություն տեղափոխվելու մասին, ճանաչում եմ այս երկիրը, նրանք շատ ուժեղ մրցակցություն են ստեղծել։ Որպես երկրի զբոսաշրջության դեսպան՝ այս վայրը գրավեց ինձ։

Ինձ տպավորեց նաև այն, թե ինչպես է ֆուտբոլը զարգանում երկրում և ինչ ջանքեր են գործադրում բարձր մակարդակի մրցակցություն ստեղծելու համար։

Սաուդյան Արաբիայի և MLS-ի հետ կապված տարբերակներն ինձ շատ հետաքրքիր թվացին»,- Մեսսիի խոսքն է մեջբերել Time-ը։

Աղբյուր  ArmSport.am