Ի՞նչ ներառել երեխայի սննդակարգում՝ փորկապության ժամանակ․ մանկաբույժի խորհուրդները

Երեխայի մոտ փորկապության դեպքում անհրաժեշտ է սննդակարգում ներառել սննդամթերքի այնպիսի տեսակներ, որոնք բարելավում են աղիների աշխատանքը և միևնույն ժամանակ չեն վնասում երեխայի օրգանիզմին։ Այդ մասին Газета.ru-ի հետ զրույցում ասել է մանկաբույժ Յուլիաննա Շաբատուրան։

«Փորկապության դեպքում առավել արդյունավետ են համարվում ծիրանը, սալորը, դեղձը, նեկտարինը։ Այս հյութեղ և մանրաթելերով հարուստ մրգերն արագորեն կօգնեն բարելավել մարսողությունը բնական ճանապարհով։ Եթե թարմ մրգեր չկան, կարելի է օգտագործել չորամրգեր»,- նշել է մասնագետը՝ հավելելով, որ չրերի գործածության դեպքում կարևոր է դրանց հետ բավարար քանակությամբ ջուր խմելը, հակառակ դեպքում դրանք էլ ավելի կվատթարացնեն վիճակը։

Շաբատուրայի խոսքով, ցանկացած միրգ պետք է մեծ զգուշությամբ ներառել երեխաների սննդակարգում, քանի որ միշտ կա ալերգիկ ռեակցիայի վտանգ։

«Բացի այդ, կարելի է նաև սննդակարգում ամբողջահատիկ մթերք և թեփ ավելացնել: Դրանք պարունակում են մեծ քանակությամբ սննդանյութեր ու մանրաթելեր, հետևաբար, քրոնիկ փորկապության դեպքում դրանք սննդակարգում ներառելն անհրաժեշտություն է: Օրը հարկավոր է սկսել մի բաժակ ջրով, իսկ նախաճաշել 30 րոպե անց»,- մանրամասնել է մանկաբույժը։

Հեղուկի բավարար քանակությամբ գործածությանը ևս կարող է շտկել իրավիճակը։ Ջրային ռեժիմի պահպանումը շատ կարևոր է ոչ միայն երեխաների, այլև մեծահասակների համար, փոխանցում է Aysor.am-ը։