Բրազիլական կայքը գրել է, թե Մեսսին դավաճանել է կնոջը

Բրազիլական կայքերից մեկը գրել է, որ Լիոնել Մեսսին դավաճանել է կնոջը՝ Անտոնելա Ռոկուցոյին։

Direto Do Miolo կայքը, հղում անելով իսպանական աղբյուրներին, գրել է, որ Մեսսին և Ռոկուցոն ապրում են «ամենամեծ ճգնաժամը» այն պատճառով, որ արգենտինացի հարձակվողը իբր սիրավեպ է ունեցել արգենտինացի լրագրող Սոֆյա Մարտինեսի հետ։ Ենթադրվում է, որ դրա պատճառով զույգի ամուսնությունը փլուզման եզրին է։

«Բարսելոնայի» նախկին խաղացող Ֆաբրեգասի կինը՝ Դանիելլա Սեմանն արձագանքել է հրապարակմանը։ Զույգը մտերիմ է Մեսսիի և Անտոնելլայի հետ և նրանք պարբերաբար ճանապարհորդում են միասին։

«Ի՞նչ նորություն է սա։ Անհեթեթություն, որտեղ ոչինչ ճիշտ չէ»,- գրել է Սեմանն Instagram-ում։

Նշվում է, որ Direto Do Miolo-ում վկայակոչված իսպանական աղբյուրը կարծես թե գոյություն չունի: