Նշվել են այն մթերքները, որոնք բարձրացնում են իմունիտետը

Ցիտրուսային մրգերը, ձուն, մածունը, կոճապղպեղը և կիվին նպաստում են իմունային նորմալ աշխատանքին և նվազեցնում բորբոքումն օրգանիզմում: Այս եզրակացությանն են հանգել Հնդկաստանի Բենարես հինդու համալսարանի գիտնականները։ Հետազոտության արդյունքները հրապարակված են Wiley Online Library-ում։

Իմունիտետը մարմնի կարողությունն է՝ պահպանել իր կենսաբանական ինքնությունը՝ ճանաչելով և ոչնչացնելով պաթոգեն նյութերն ու բջիջները: Հայտնի է, որ առողջ սննդակարգը չափազանց կարևոր է այս կարողությունը պահպանելու համար: Ցիտրուսային մրգերը (օրինակ՝ նարինջը և կիտրոնը) հարուստ են վիտամին C-ով, որը նպաստում է իմունային համակարգի հիմնական բջիջների՝ լիմֆոցիտների ձևավորմանը։ Նրանք ամրացնում են մարմնի էպիթելային պատնեշները և գործում են որպես հակաօքսիդանտներ՝ արձագանքելով ազատ ռադիկալներին, որոնք վնասում են տարբեր օրգանների և հյուսվածքների բջիջները: Նմանատիպ օգտակար հատկություններ ունի կիվին։

Կոճապղպեղը բնական իմունոմոդուլատոր է. այն կարող է ուժեղացնել մարմնի իմունային պատասխանը: Սա իմունային համակարգի ռեակցիաների մի շարք է, որն ուղղված է պաթոգեն միկրոօրգանիզմների ոչնչացմանը: Կոճապղպեղը նաև խթանում է ախորժակը և մարսողությունը։

Իմունիտետն ամրապնդելու մեկ այլ միջոց է ձու և մածուն ուտելը: Այս մթերքները պարունակում են սպիտակուց: Բացի այդ, պրոլակտինը` կաթում պարունակվող հորմոնը, նպաստում է լիմֆոցիտների և թիմոցիտների (իմունային բջիջների տեսակների) շարժմանը: Կաթնամթերքը պարունակում է նաև իմունոգոլոբուլիններ և շիճուկի սպիտակուցներ, որոնք խթանում են հակամարմինների սինթեզը՝ մոլեկուլներ, որոնցով օրգանիզմը պայքարում է ցանկացած «օտար ներխուժման» դեմ, փոխանցում է Shantnews-ը։