Բլինքենը Փաշինյանի և Ալիևի հետ քննարկել է խաղաղության պայմանագրի կնքման հնարավորությունը

ԱՄՆ պետքարտուղար Էնթոնի Բլինքենը Ադրբեջանի նախագահ Իլհամ Ալիևի և Նիկոլ Փաշինյանի հետ քննարկել է երկու երկրների միջև խաղաղության պայմանագրի կնքման հնարավորությունը։ Այս մասին ասվում է Պետդեպարտամենտի մամուլի ծառայության ղեկավար Մեթյու Միլլերի տարածած հայտարարություններում:

Բլինքենը «շնորհակալություն է հայտնել նախագահ Ալիևին՝ Ադրբեջանի և Հայաստանի միջև ամուր և ներկայացուցչական խաղաղության համաձայնագրին նվիրվածության համար»:

«Երկարատև հակամարտությունը տառապանք է պատճառել և՛ Ադրբեջանին, և՛ Հայաստանին։ Խաղաղության համաձայնագիրը ձեռնտու է բոլորին տարածաշրջանում»,- նշված է հայտարարությունում։

Մեկ այլ հայտարարության մեջ ԱՄՆ արտաքին քաղաքականության մամուլի ծառայության ղեկավարը նշել է, որ Բլինքենը Փաշինյանի հետ զրույցում «քննարկել է ԱՄՆ աջակցությունը» խաղաղության պայմանագրի հասնելու ջանքերին։ Պետքարտուղարը հայտարարել է «աջակցություն Հայաստանի ինքնիշխանությանն ու տարածքային ամբողջականությանը» և նշել «Հայաստանի հետ երկկողմ համագործակցությունը մեծացնելու ջանքերը»։