Կարմրուկով հիվանդացածների թիվը հասել է 500-ի

Հայաստանում կարմրուկով հիվանդացածների թիվը հատել է 500-ի շեմը։ Այս մասին հայտնում են Հիվանդությունների վերահսկման և կնախարգելման ազգային կենտրոնից։

Անցած մեկ շաբաթվա ընթացքում կարմրուկով հիվանդացել է վեց մարդ, որից հինգը երեխաներ են, մեկը՝ մեծահասակ։

Նոյեմբերի 20-ի դրությամբ կարմրուկով հիվանդացած երեխաների թիվը կազմում է 354։

Անցած յոթ օրերի ընթացքում նվազել է հոսպիտալացվածների թիվը, եթե նոյմեբերի 13-ին հիվանդանոցում էր գտնվում չորս մարդ, ապա նոյեմբերի 20-ի դրությամբ կա մեկ հոսպիտալացված։

Հիշեցնենք, որ կարմրուկի ախտանշաններն են բարձր ջերմությունը, ցանավորումը, հազը և քթից արտադրությունը։ Հիվանդության ծանր դեպքերում կարմրուկը կարող է առաջացնել թոքաբորբ կամ այլ շնչառական վարակներ, նյարդաբանական բարդություններ և նույնիսկ հանգեցնել մահվան։

Հայաստանում օրեր առաջ կարմրուկի հետևանքով մեկ երեխա է մահացել։