Շամպունի սխալ ընտրությունը կարող է հանգեցնել մազաթափության

Չոր մազերի և մազաթափության պատճառները նույնքան բազմազան և անհատական ​​են, որքան մարդիկ:

Որոշ մարդիկ բարակ մազեր են ունենում ժառանգականության պատճառով (անդրոգենետիկ ալոպեկիա), իսկ ոմանց մոտ մազաթափություն է առաջանում սխալ սննդակարգի կամ դեղորայքի պատճառով:

Սեփական իմունային համակարգը նույնպես կարող է մեղավոր լինել, երբ հաստ մազերի վրա հանկարծակի կճաղատ հատվածներ են հայտնվում՝ ինչպես ալոպեկիայի դեպքում է: Նույնիսկ մազերի ոչ պատշաճ խնամքը կարող է հանգեցնել մազարմատների գրգռման, արմատների արագ յուղոտման կամ ձգողական ալոպեկիայի:

Կանայք հատկապես հակված են ամեն օր լվանալ, հյուսել կամ հարդարել իրենց մազերը: Ամեն անգամ, երբ լվանում ենք մեր մազերը, դրանք դառնում են ավելի կոշտ և փխրուն:

Հատկապես սիլիկոններով շամպունները և, այսպես կոչված, պարզեցնող շամպունները, չափից ավելի օգտագործման դեպքում առաջացնում են մազերի չափից շատ չորացում և փխրունություն, ապա նաև մազաթափություն: Բացի այդ, մազերը չափազանց տաք ջրով շատ հաճախ լվանալը խաթարում է գլխի pH հավասարակշռությունը:

Բաղադրիչներն, որոնք վնասակար են մազերի համար.

Պարաբեններ

Առանց դեղատոմսի շատ շամպուններ պարունակում են պարաբեններ: Դա պայմանավորված է նրանով, որ դրանք բավականին էժան են արտադրելու համար: Պարաբենները այսպես կոչված կոնսերվանտներ են, որոնք պետք է պաշտպանեն շամպունը, օրինակ, բորբոսից:

Բայց կա նաև մեդալի մյուս կողմը. կասկածներ կան, որ այս բաղադրիչը քաղցկեղածին է։ Այն կարող է ազդել նաև մեր հորմոնների վրա, ինչը շատ դեպքերում հանգեցնում է մազաթափության: Բացի այդ, ենթադրվում է, որ այս բաղադրիչը տոքսիններ է կուտակում մեր մարմնում:

Սիլիկոններ

Դրանք մազերի «թշնամիներից» են․ մեր մազերին տալիս են հարթություն և փայլ, մյուս կողմից էլ պարուրում են մազերը, և մազերի արմատները դադարում են բավարար քանակությամբ հանքանյութեր ստանալ։ Սա չորացնում է մազերը ներսից։

Սուլֆատներ

Ո՞վ չի սիրում, երբ շամպունը սկսում է փրփրել. Սուլֆատները պատասխանատու են դրա համար, քանի որ մաքրող և փրփրացնող ազդեցություն ունեն: Մեր շամպունների մեծ մասը պարունակում է նատրիումի լաուրետ սուլֆատ (SLES) և նատրիումի լաուրիլ սուլֆատ (SLS): Այնուամենայնիվ, դրանք կարող են գրգռել գլխամաշկը և ոչնչացնել մաշկի բնական պաշտպանիչ պատնեշը, որն իր հերթին կարող է դանդաղեցնել մազերի աճը:

Իզոպրոպիլային սպիրտ

Այս բաղադրիչի առկայության մասին շամպունի շշի վրա կարդալուց հետո ավելի լավ է հրաժարվել այն գնելուց։ Իզոպրոպիլային սպիրտ օգտագործվում է նաև ներկերի մեջ։

Այլընտրանք կարող են լինել բնական կոսմետիկայի բաժնի շամպունները կամ առանց հավելումների շամպունները, եթե ցանկանում եք լավ խնամել ձեր մազերը, փոխանցում է Aysor.am-ը։