Մեծ Բրիտանիայի նախկին վարչապետ Դևիդ Քեմերոնը՝ ԱԳ նախարար

Մեծ Բրիտանիայի նախկին վարչապետ Դևիդ Քեմերոնը նշանակվել է ԱԳՆ ղեկավար։ Այս մասին ասվում է կառավարության ղեկավար Ռիշի Սունակի գրասենյակի տարածած հաղորդագրության մեջ։

«Հարգարժան Դևիդ Քեմերոնը նշանակվել է արտաքին գործերի նախարար Համագործակցության և զարգացման հարցերով»,- ասվում է հայտարարության մեջ։ Այս պաշտոնում նա կփոխարինի Ջեյմս Քլևերլիին, որը տեղափոխվել է ՆԳՆ ղեկավարի պաշտոնի։

Քեմերոնը վարչապետի պաշտոնում ընտրվել է 2010 թվականին՝ 44 տարեկանում։ Նա դարձել է 1812 թվականից ի վեր ամենաերիտասարդ քաղաքական գործիչը, ով զբաղեցնում էր Դաունինգ սթրիթ 10-ի գրասենյակը։ Քեմերոնը Պահպանողական կուսակցության առաջնորդն էր 2005 թվականից։ Ընդհանուր առմամբ նա կառավարության ղեկավարի պաշտոնում աշխատել է վեց տարի՝ մինչև 2016թ.: Ամենից շատ Քեմերոնը հիշվում է նրանով, որ խոստացել էր հանրաքվե անցկացնել ԵՄ կազմից Մեծ Բրիտանիայի դուրս գալու վերաբերյալ 2015 թվականի ընտրություններում հաղթելու դեպքում։ Երբ կուսակցությունը հաղթեց, նա պահեց իր խոսքը և կազմակերպեց հանրաքվե։ Հաշվի առնելով, որ Քեմերոնն ինքն էր քարոզել Brexit-ի դեմ, նա հրաժարական է տվել՝ լքելով նաև խորհրդարանը։ Այդ պահից նա հանրային քաղաքականությամբ չի զբաղվել։