Առյուծը փախել է կրկեսից ու թափառել քաղաքի փողոցներով (լուսանկարներ, տեսանյութ)

Իտալիայում առյուծը փախել է կրկեսից ու թափառել փողոցներով՝ ահաբեկելով բնակիչներին: Tert.am-ի փոխանցմամբ՝ ինչպես գրում է Daily Mail-ը, գիշատչին նկատել են մայրաքաղաք Հռոմին շատ մոտ գտնվող Լադիսպոլի քաղաքում, որտեղ բնակվում է 40,000 մարդ:

Համապատասխան տեսանյութը տարածվել է X սոցկայքում: Որոշ մարդիկ, որոնք առյուծի անցնելու ժամանակ փողոցում են եղել, շտապել են պատսպարվել, ոմանք փակվել են մեքենաներում: Իշխանություններն անմիջապես բնակիչներին հորդորել են տանը մնալ, քանի դեռ Կիմբա անունով առյուծին չեն բռնել:

Իշխանություններից պահանջվել է մոտ յոթ ժամ առյուծին բռնելու համար: Նրան երկու անգամ կրակել են հանգստացնող միջոցներով:

Il #leone a spasso tra le case di #Ladispoli.
Incredibile quello che sta accadendo. pic.twitter.com/lW97h4sphQ

— Michele Galvani (@MicheleGalvani) November 11, 2023