Դեսպան. Կիևը պետք է կատարի չորս պայման մինչև դեկտեմբերի կեսերը

Կիևը պետք է կատարի չորս պայման մինչև դեկտեմբերի կեսերը, որպեսզի «կանաչ լույս» ստանա Եվրամիությանն անդամակցելու շուրջ բանակցություններ սկսելու համար, ասել է Ուկրաինայում ԵՄ դեսպան Կատարինա Մատերնովան։ Այս մասին հայտնում է РИА Новости-ն։

«Սա Ռադային առաջարկվող թույլտվություն է, որը հնարավորություն է բացում Եվրոպական խորհրդի համար,իսկ դա 27 անդամ երկրներն են, սկսելու անդամակցության բանակցությունները: Ինչ վերաբերում է հետագա քայլերին. կան բարեփոխումների ևս մի քանի ասպեկտներ, որոնք անհրաժեշտ է ավարտել, որպեսզի խորհուրդը, այսպես կոչված, բանակցային մանդատ տրամադրի հանձնաժողովին», - Մատերնովայի խոսքն է մեջբերում «Հանրային» հեռուստաալիքը:

Մատերնովան պարզաբանել է, որ Եվրահանձնաժողովն այժմ առաջարկել է սկսել բանակցությունները, հաջորդ քայլի համար կան բարեփոխումների ևս չորս ասպեկտներ, որոնք պետք է ավարտել: Ըստ նրա, դրանց թվում են Ուկրաինայի Ազգային հակակոռուպցիոն բյուրոյի (NABU) անձնակազմի ավելացումը, գույքի հայտարարագրման մասին օրենքում երկու փոքր փոփոխություններ մտցնելը, ԵՄ-ի չափանիշների համաձայն լոբբինգի մասին օրենքի ընդունումը ազգային փոքրամասնությունների հարցերով Վենետիկի հանձնաժողովի առաջարկությունների կատարումը:

«Այս չորս կետերը պետք է ավարտին հասցվեն, որից հետո մենք բանակցությունների մանդատ կստանանք, պայմանով, որ դեկտեմբերին Ռադան բանակցություններ սկսի, և այդ ժամանակ գործընթացը կարող է սկսվել»,- ընդգծել է դեսպանը։

Եվրահանձնաժողովը խորհուրդ է տվել Ուկրաինայի և Մոլդովայի հետ ԵՄ-ին անդամակցելու շուրջ բանակցություններ սկսել, իսկ բանակցային շրջանակի ընդունումը պայմանավորել է Կիևի և Քիշնևի կողմից մի քանի պայմանների կատարմամբ։ Եվրահանձնաժողովի ղեկավար Ուրսուլա ֆոն դեր Լյայենը հայտարարել է, որ Եվրամիությանն Ուկրաինայի անդամակցության իրական ժամկետները կախված են բարեփոխումներից և «ըստ արժանիքների»անդամակցության տրամադրման սկզբունքից։

Բանակցային գործընթաց սկսելու պաշտոնական որոշումը պետությունների և կառավարությունների ղեկավարները կքննարկեն դեկտեմբերի 14-15-ը Բրյուսելում կայանալիք ԵՄ գագաթնաժողովում։ Այս որոշումը պետք է միաձայն ընդունվի Եվրամիության բոլոր գործող անդամների կողմից։

Աղբյուրը