Հայաստանի զբոսաշրջության ներուժը ներկայացվել է Լոնդոնի ցուցահանդեսում
![](/timthumb.php?src=disc/07-11-23/2b8049471403dad25068ef3090bdea09.jpg&w=450)
Լոնդոնի «Համաշխարհային ճամփորդական շուկա» ամենամյա ցուցահանդեսում ներկայացվել է Հայաստանի զբոսաշրջության ներուժն ու գրավչությունը։ Այս մասին տեղեկանում ենք Մեծ Բրիտանիայում ՀՀ դեսպանությունից:
«Հայաստանը ներկայացնող տաղավարը հայկական զբոսաշրջության ոլորտին ծանոթանալու հնարավորություն է տալիս այցելուներին։ Երկրի զբոսաշրջության ներուժն ու գրավչությունը ներկայացրել են Հայաստանի զբոսաշրջության կոմիտեն և 8 տուրօպերատորներ», - ասված է հաղորդագրությունում։
Նշվում է, որ նոյեմբերի 6-ին դեսպան Վարուժան Ներսեսյանն այցելել է Լոնդոնի «Excel» սրահում կազմակերպված ցուցահանդեսի հայկական տաղավար: