Վագիֆ Խաչատրյանի դատապարտումը հակասում է միջազգային հումանիտար իրավունքի բոլոր նորմերին. Անի Բադալյան

ՀՀ ԱԳՆ խոսնակ Անի Բադալյանը գրառում է կատարել X-ի իր միկրոբլուգում:

«Վագիֆ Խաչատրյան. «Ես անմեղ մարդ եմ»: Չնայած ցանկացած կեղծ մեղադրանքի բացահայտ մերժմանը՝ Լեռնային Ղարաբաղի 68-ամյա բնակիչը «դատապարտվել» է 15 տարվա ազատազրկման Բաքվում ավելի քան մեկ ամիս բեմադրված դատավարություն/շոուից հետո: Մենք ընդգծում ենք, որ դա հակասում է բոլոր նորմերին, այդ թվում՝ միջազգային հումանիտար իրավունքի»,- գրել է Բադալյանը։

Հիշեցնենք, որ այսօր Բաքվում ավարտվել է շինծու քրեական գործով Վագիֆ Խաչատրյանի դատավարությունը: Նա դատապարտվել է 15 տարվա ազատազրկման: Խաչատրյանն իրեն մեղավոր չի ճանաչել և խնդրել է դատարանին արդարացնել իրեն:

Vagif Khachatryan: “I am innocent person.” Despite clear rejection of any false accusation, 68-y-o resident of #NagornoKarabakh was “sentenced” to 15-year imprisonment after over a month of mock “trail”/show in Baku.

We stress: this repeatedly goes agnst any norms,including IHL. https://t.co/CIa13ZM73p

— Ani Badalyan, Spokesperson of MFA of Armenia (@ArmSpoxMFA) November 7, 2023