Արման Խոջոյանը Շանհայ քաղաքում մասնակցել է Չինաստանի ներմուծման 6-րդ միջազգային ցուցահանդեսին
![](/timthumb.php?src=disc/07-11-23/fdda0f4a21f9cf075ee838f24bc3bc18.jpg&w=450)
Էկոնոմիկայի նախարարի տեղակալ Արման Խոջոյանը ՉԺՀ Շանհայ քաղաքում մասնակցել է նոյեմբերի 5-ից 10-ը անցկացվող Չինաստանի ներմուծման 6-րդ միջազգային ցուցահանդեսին։
Այս միջոցառմանը Հայաստանը ներկայանում է ազգային տաղավարով՝ ներկայացնելով 23 հայկական ընկերությունների արտադրանք, ինչպես նաև հայկական մշակույթը և Հայաստանի զբոսաշրջության հնարավորությունները։
Ցուցահանդեսը կազմակերպվել է ՉԺՀ առևտրի նախարարության և Շանհայ քաղաքի ժողովրդական կառավարության կողմից։