Այս առնետներին կերեք, ոչ թե մուսուլմանների միսը. թուրք տղամարդը առնետներով արկղը նետել է McDonalds–ի ներսը

Ստամբուլում McDonalds–ի մասնաճյուղերից մեկում մի տղամարդ առնետներով արկղ է նետել։

Թուրքական halktv–ի փոխանցմամբ՝ մի տղամարդ Ստամբուլի Մերթեր թաղամասի McDonalds–ի մասնաճյուղ է մտել եւ առնետներով լի արկղ է նետել հատակին՝ բղավելով՝ «այս առնետներին կերեք, ոչ թե մուսոլմանների միսը»։

Նշենք, որ Թուրքիայում McDonalds–ի դեմ բողոքի ակցիաներ են սկսվել, երբ համացանցով տեսանյութ էր տարածվել, թե ինչպես է Mcdonalds–ը Իսրայելում զինվորներին համբուրգերներ բաժանում։

Թուրքիայում McDonalds–ի դեմ բողոքի գործողությունների ընթացքում McDonalds Turkiye–ն հանդես է եկել հայտարարությամբ, որ Թուրքիայի եւ Իսրայելի McDonalds–ները իրար հետ կապ չունեն։