Ամուսնացած կինը փողի և նվերների համար գաղտնի ամուսնացել է ևս երեք տղամարդու հետ

Չինաստանում ամուսնացած կինն ամուսնացել է այլ տղամարդկանց հետ՝ գումար և հարսանեկան նվերներ ստանալու համար։ Shantnews-ի փոխանցմամբ՝ այս մասին հայտնում է South China Morning Post (SCMP) թերթը։

Ցզյանսու նահանգից Չժոու ազգանունով 35-ամյա կինը օրինական ամուսնացած էր և դուստր էր մեծացնում, երբ սկսեց ամուսնուց գաղտնի հանդիպել այլ տղամարդկանց հետ: Կնոջ ամուսինը գաղափար չուներ նրա գործերի մասին, քանի որ նա հազվադեպ էր տանը լինում աշխատանքի պատճառով։ Չժուն ծանոթացել է Լուո, Չժան և Սյու ազգանուններով տղամարդկանց հետ աշխատանքի վայրում և առցանց: Կինը նրանց հետ հանդիպել է մի քանի ամիս, որից հետո խնդրել է ամուսնանալ իր հետ։

Ամուսնությունը պաշտոնապես գրանցելուց խուսափելու համար Չժուն խաբել է տղամարդկանցից յուրաքանչյուրին, թե ինքը պետք է չամուսնացած մնա, որպեսզի պետական փոխհատուցում ստանա տան քանդման պատճառով: Սակայն նա առաջարկել է փեսացուներին ոչ պաշտոնական հարսանեկան արարողություն անել՝ գումար և նվերներ ստանալու համար։ Հարսանիքների համար Չժուն դերասաններ էր վարձում իր հարազատներին ու ընկերներին մարմնավորելու համար: Ընդհանուր առմամբ, կինն այսկերպ տղամարդկանցից ստացել է 660 հազար յուան կամ կամ 92 հազար դոլար։
Նշվում է, որ տուժածներից ոչ ոք չի կասկածել մյուսների գոյությանը։ Մինչ Չժուն տղամարդկանցից մեկի հետ էր, նա ասել է մյուս երկուսին, որ մեկնում է վերապատրաստվելու այն ընկերությունում, որտեղ աշխատում էր: Ավելի ուշ նա խաբել է Չժանին, որ նա երկվորյակների է սպասում: Չժոուն ասել է, որ պատրաստվում էր ծննդաբերել իր ծնողների տանը մեկ այլ քաղաքում և տղամարդուն ուղարկել է կեղծ թեստի արդյունքներ, որոնք հաստատել են նրա հղիությունը։

Չժանը վստահ էր, որ իր սիրելին երկվորյակներ է կրում։ Երբ կինը, իբր լույս աշխարհ է բերել երեխաներին, նա և մայրը եկել են հիվանդանոց՝ նրանց տեսնելու։ Չժուն կրկին վարձել է դերասանի բժշկի դերում։ Նա չի կարողացել պատասխանել Չժանի հարցերին, իսկ հետո Չժանը կասկածել է։ Տղամարդը սեփական հետաքննություն է անցկացրել, պարզել, որ Չժուն ամուսնացած է, և դիմել է ոստիկանություն։

Կինը ձերբակալվել է. Նրա նկատմամբ քրեական գործ է հարուցվել խարդախության հոդվածով։ Նրան սպառնում է առնվազն 10 տարվա ազատազրկում։ Շուտով նրա օրինական ամուսինն իմացել է Չժոուի գործողությունների մասին։ Նա որոշել է բաժանվել կնոջից։